FONDI SHQIPTAR I ZHVILLIMIT/ PROJEKT I RI NË QYTETIN E LEZHËS
•Ky investim me financim nga Qeveria Shqiptare dhe zbatim nga Fondi Shqiptar i Zhvillimit, synon rikonstruksionin e fasadave të objekteve përgjatë Lumit Drin dhe rikonceptimin e hapësirave të brendshme të bllokut nr. 1 në qytetin e Lezhës.
•Ndërhyrja parashikon unifikimin e mbulesave të objekteve, duke realizuar çati me strukturë druri/metalike, dhe veshje me thegulla vendi. Gjithashtu në fasadat e objekteve do të aplikohet sistemi kapot.
•Teksturat e aplikuara do të synojnë krijimin e një kompozimi dinamik duke i dhënë një imazh të ri objekteve por edhe portës hyrëse të qytetit.
•Hapësira e brendshme e bllokut do të rikonceptohet me një organizim të ri. Në pjesën qëndrore do të pozicionohet hapësira e parkut, e trajtuar në disa zona me gjelbërim, stola dhe sheshe lojrash për fëmijë.
