Kthim në horizont
Për një çast,
Rrotullohu rreth vetes,
Ktheje këndin në horizont,
Vetëm një çast,
Bashkohu me veten,
Shijo shijen ndër vitet e tua,
Si mozaik ndërto fjalë,
Fjalinë e humbur gjeje,
Diku në mesin e kryefjalës,
Afër gjymtyrës tjetër,
Bashko trupin me jetën,
Aty në vendin e vjetër,
Ku hodhe hapat e parë të vetvetes,
Belbëzove hijen tënde,
Pasqyrën theve,
Numërove grimcat për 7 vjet pa fat,
Eh!!!
Gënjeshtra peshoi rëndë,
Lotin shqeve për një copëz xham,
Marrëzi në diell,
Kuptove fjalinë në mozaik?
Një çast,
Sa një shekull në një copëz letër!
“””””””””””””””””””””””””””””””
Mos ma lësho dorën
Çfarë ndryshon, nëse dorën ma lëshon !?
E shpirti im pushon në kraharorin e vdekjes.
Çfarë ndryshon !?
Nëse zjarri e përpin mllefin e lumturisë,
Etjen nuk e shuan as uji i Perëndisë.
