Aman shef…mos më gjobitë
Se kam hall, kam shumë uri
Jam pa hanger tash tri ditë
Dola veç me kapë noj mi.
Tash i muaj s’kam dalë nga shpija
Kujë për mua ndermën si bjen
Thashë t’paktën Erion Velia
Me noj qese tash po vjen..!
………..
Unë zbatoj ligjet e shtetit
Firmos gjobën, mos ban fjalë
Ashtë urdhër i prerë i Edit
Vetëm qentë ka thanë me dalë.
— — — — — — — — — — — —
Lulash Ara
ARBËRESHËT
KRENARIA E KOMBIT.
Arbëresh qofshi bekuar
Gjashtë shekuj të larguar
Nga e bukura Arbëri
Ju dua, ju kam zili..!
Në çdo festë me këngë e valle
Veshur me rroba kombëtare
Dhe flamur të Kastriotit
Paçi bekimin e Zotit.
Edhe pse kaluat detin
E ruajtet identitetin
Mbetët arbër brez pas brezi
Ashtu siq e donte Gjergji.
Çdo shqiptar sot nepër botë
Le ta vëjë gishtin në kokë
Të ruaj gjuhë e origjinë
Si arbëreshët, gjaku ynë.
— — — — — — — — — — —
Lulash Ara
Me shnet Pashka u kjoftë
Miq, shokë e farefis
Jezu Krishti ju nimoftë
Që për ne vdiq në kryq.
U ringjall, hypi në qiell
Rrin përkrah të lumit Zot
Paqe e mirësi me na sjell
Që nevojë ka bota sot.
Sot në tokë qeverisë djalli
E njerëzimi s’ka qetësi
Peshkun e vogël e han i madhi
Kudo sheh veç padrejtësi..!
Mjerë ai që bien viktimë
Përmas djallit nisë vrapon
Drejtë humnerës ajë të prinë
Kurr ma dritën se shikon.
Lum kush ka zemrën e bardhë
Kush s’ban keq e dinë me falë
Se Jezusi ka me ardhë
Përballë djallit ka me i dalë.
Ka me zhdukë nga faqja e tokës
Bashkë me ata si shkojnë mas ti
Ka me i sjell paqe gjithë botës
Me vendos tjetër mbretni.
Shqiptarët festojnë bashkë
Siq ka thanë Fishta ma parë
Vërtetë kem Bajram e Pashkë
Por jem vëllezër, jem shqiptarë.
Mbani pra mëndjen te Zoti
Dhe te Jezusi mbret
Festa e gëzime ju shkoftë moti
Gëzuar e përshumvjet.
— — — — — — — — — — —
Lulash Ara
