..ISHIN SYTË E SAJ QË PIKONIN DASHURI!
(Verës në 58-vjetorin e lindjes dhe dymujorin e shkuarjes në amshim)
Sot
Mbolla këtë kujtim,
Ndërsa
Përshkruaja sytë e saj,
Që më vrojtojnë
Ngado hapat e mi kaptojnë.
Ishin sytë e saj të zi,
Që pikonin dashuri…
Sytë e saj,
Bashkë më lotin e kristaltë,
U veniten,
Nga vesa e fillimmarsit,
Në lartësinë e padukshme u treten.
Sytë e saj,
Që pikonin dashuri,
Dashuri të pakufi!
Dashuri të pakufi…
Dugajevë, më 12.4.2020 (e martë).
