O ky mall për Gjakovën
Mërgimtarëve të Gjakovës nëpër botë
Hap më hap në udhë mërgimi
Ç’po më vjen Gjakova pranë.
Ma merr fjalën mallëngjimi
Kur hedh hapat në Çabrat.
Nëpër botë me frikë korone.
Në ekrane, në spitale.
Dashkam vallet prej Gjakove
Ta marr forcë në male.
Dashkam kafe mes Çarshie
Ku zgjoj vitet e rinisë.
Po më pret Urë e Terzinjve
Larë me ngjyrën e lavdisë.
Do vrapoj me biçikletë
Në çardakë do puth lulet
Gjer në qiell, lart te retë
Për Gjakovën gjuri ulet.
Gju më gju po më pret sofra
Furrë më furrë do pjek pitajka.
Kur të zbardhë malin dëbora
Do të ndez zjarrin në vatra.
Do të vë lulet në varre
Do ta ul kokën në heshtje.
O kurbet, lotët na thave
Për Gjakovën det me rreze.
Do vrapoj nëpër rrugica,
gjithë mjeshtrit do takoj.
Porsa zbardh në pragje drita.
E një këngë do të galdoj.
Do kujtoj martirë lirie
Që me gjak njomën sokakë.
O Gjakovë, me shtat palë hire.
Pë ty ndezim flakadanë.
