Dr. Ndoc Qokaj, djaloshi nga Curraj Epër që me talentin e Tij si mundës e tranjer mundje krijoji një karrierë për t’u patur zili si elitar i sportit shqiptarë e nderkombëtar.
Më poshtë po japim një shkrim nga një specialist i kësaj fushe ndër më të mirët në Shqiperi, ja çfar shkruan Hilë Lushaku për kolegun dhe shokun e Tijë Ndoc Qokaj:
Ndoc Qokaj-Mjeshtër i Merituar i Sportit, nderuar me titullin “Mjeshtër i Madh”, mjek i Forcave Speciale, sportist kampion.
Me shkurtime nga libri “Specialët-Elita e Policisë Shqiptare”
U lind më 1 prill 1963, në Curraj, Tropojë; më 1983-1989 kreu fakultetin e mjekësisë, në Tiranë, u diplomua në “Mjekësi e Përgjithshme”; shërbeu një vit në Llugaj, Tropojë, në detyrën “shef i shëndetësisë”, më 1991 filloi studimet pasuniversitare në “Anatomi patologjike e mjekësisë ligjore”, të cilën e përfundoi në vitin 1994; filloi punë, mjek në FS “RENEA” në vitin 1992, u përzgjodh ndërmjet disa kandidaturave se ishte mjek dhe kampion disa vite; ka merituar vlerësimet për cilësi në përmbushjen e detyrave për kontrollin periodik të treguesve fizik të policëve; skedoi grupin e gjakut të secilit sambist; matjet e treguesve shëndetësor në stërvitje, duke kontrolluar gjendjen e mundësitë psikiko-fizike të policëve; për dhënien e ndihmës së parë në rast fatkeqësish; bashkëpunues me kolegët e qendrës shëndetësore të M.P.B. për nevojat e sigurimit shëndetësor. Përveç se mjek ai është një kampion i madhe në mundjen e lirë, 13 herë kampion kombëtar, me një karrierë sportive nga viti 1980, në peshën 52 kg, përfaqësues i ekipit “Valbona” për të rinj, ndërsa në vitin 1983, është përfaqësues i ekipit “Partizani”, të cilin e përfaqësoi deri në vitin 1991; më pas ka luajtur për ekipin “Tirana”, duke konkurruar mbi 20 vjet, në disa pesha, madje deri në 84 kg. Ndoci shkëlqeu në sportin e mundjes “stil i lirë” si rrallë kush në historinë e këtij sporti në Shqipëri. Rezultatet e tij janë brilante: në mars 1982 konkurroi në peshën 60 kg për ekipet e të rinjve, u shpall fitues i “Kupës së Republikës”; në gusht të atij viti meritoi titullin e kampionit kombëtar për të rinj dhe “nënkampion” në kompeticionin individual për të rritur në peshën 57 kilogram; në vitin 1983 nuk mori pjesë në gara; rikthehet fitues i vendit të dytë në kupën e republikës në prill 1984; në vitin 1985 fitoi vendin e parë në kupën e republikës (maj, në Durrës), u shpall kampion kombëtar në peshën 68 kilogram dhe fitues në konkurrimin individual, në peshën 68 kg; në vitin 1986 fitoi në konkurrimin për kupën e vënë nga gazeta “Bashkimi”, në peshën 74 kg dhe fitoi vendin e parë në konkurrimin e zhvilluar në dhjetor, në Durrës, në peshën 68 kg; fitues i vendeve të para edhe në vitet në vijim, në 1988 e 1989, madje fitoi “Medalje e Artë” në Spartakiadën e 6-të kombëtare; në vitin 1990 është fitues i kupës së republikës dhe njëkohësisht kampion kombëtar, dhe i kompeticionit individual; në vitin 1991, fitoi vendin e parë në kupën e republikës, u rendit i pari në takimin kombëtar që u zhvillua në Durrës, dhe fitoi titullin e kampionit kombëtar në garat që u zhvilluan në Tiranë; në vitin 1992 kaloi me ekipin e “17 nëntorit” të Tiranës dhe u shpall përsëri kampion kombëtar, duke vijuar në vitin 1993, në peshën 62 kg; në vitin 1994 garoi në peshën 74 kilogram, vioji më pas kampion në peshën 68 kilogram, kampion edh në vitet 1995 e 1996 tashmë në peshën 74 kg; në vitin 1997, fitues i kupës së republikës dhe kampion kombëtar në peshën 76 kg, fitues në vitin 1998 e 1999 e deri në vitin 2002, kur mbyll karrierën. Ndoci ka qenë i suksesshëm edhe në veprimtaritë ndërkombëtare, konkretisht: 1991 u rendit në vendin e katërt në Lojërat Mesdhetare; në 12-13 qershor 1993 u nderua me medaljen argjendi, në turneun ndërkombëtar në Maqedoni; këtë vit ka fituar medalje argjendi edhe në turneun ndërkombëtar të zhvilluar në Vancouver, Kanada dhe atë të zhvilluar në Manchester, Britania e Madhe; është renditur në vendin e katërt në turneun e Selanikut; ka fituar medaljen e artë në turneun ndërkombëtar të zhvilluar më 1995, në Australi; ka zënë vendin e katërt në Lojërat Mesdhetare, të zhvilluar në Itali, më 1997 dhe fitoi medaljen e artë në kampionatin e vendeve të vogla, zhvilluar po në vitin 1997. Ai ka merita të shumta edhe si trajner pasionant me ekipet e të rinjve dhe me ekipin kombëtar .
