NË “TELASHE” MË FUT SYRI
Në “telashe” më fut syri,
Nuk më njeh fare për zot!
Zë kumbiset pas një syri
Dua ta ndal,po s’e ndal dot.
Kapërcen çdo lloj kufiri
Bredh azat si i uritur
E shoh tash pas një syri
Pas një zonje është”ngulitur”
Dhe i thotë?PO çfarë i thotë?
Syri syrit seç i flet
As e marrë vesh dot
SE bën syri siç don vet..
Pa ma sjell”syrin” përpara
Pa shikoje se si është?
Unë po zë retë e bardha
Se dhe mendja ma bën”fësht”
Unë e shoh,por kam dhe “cipë”
I them syrit:–Pse më”trazon”?
-Dashuria s’ka logjikë!
Është i mjerë,kush s’dashuron?
E,kështu, ditë për ditë
Syri më fut në”telashe”
Jap e marrë me dashuritë
Syri mua më vë në ngasje.
Tiranë,4 gusht 2022
“”””””””””””””””””””””
KUR M’U NGULËN NJË PALË SY
Kur m’u ngulën një palë sy
E kujtoj:qe muaj GUSHT!
Ndodh kështu në djalëri
Mua prapë rrobat më rrinë”gusht”.
Sado sytë dikur m’u ngulën
Dikur,në gusht të djalërisë
Por mbi zemër hodhën”vulën”
Hodhën vulën e dashurisë.
Më pëlqyen sytë atëherë
Qeshë djalosh,tringo i ri
Po më vijnë pranë përherë
Ndaj i dua përsëri.
Ndaj i dua përsëri
I kërkoj dhe prapë s’i gjej
Sado jam pleqëri
Më lëviz gjaku në dej.
Më lëviz gjaku në dej
Se të pjekë vapa në gusht
Ata sy,sado s’i gjej
Prapë rrobat më rrinë”gusht”
Tiranë,3 gusht 2022
“”””””””””””””””””””””
“PJACA” e POEZISË SIME! *
Pardje shkrova një poezi me kujtime
Me kujtime rrohet pleqërisë
Por dua të tregoj çudinë time
Ç’më ndodhi prej poezisë.
E shkrova poezinë për ELBASANIN,
Ku jo vetëm u arsimova,por dhe u formova!
E dua,or miq,shumë ELBASANIN,
Ndaj poezinë tek”ARKIVI HISTORIK I ELBASANIT”,e shkrova.
Dhe ELBASANI ma shleu mundimin
Më bëri rreth 363 pëlqime!
E pranuan si “ELBASANAS” PËRPARIMIN!
Mbi ballë sikur më vunë një”degëdafine”
E mora poezinë dhe e solla në faqen time
Por lexuesët e mi më”lanë me provim në vjeshtë”
Sikur më thanë:-Na çave kokën me të tuat kujtime!!!
Dhe vetëm pesëmbëdhjetë pëlqime për të njëjtën vjershë.
Është pakëz për të qeshur,por dhe për të qarë.
E njëjta poezi vlerësuar tridhjetë herë më shumë
Domethënë:_Shkruaj kot,se askush nuk ta varë!
Dhe unë shtroj pyetjen:-Jam a nuk jam unë?!!!
* Është fjala për poezinë:-A nuk jam pak nga ELBASANI?
