Irma Kurti

° Emocion, dhimbje, nostalgji…

Botohet në Itali: “I ricordi di un medico” (Kujtimet e një mjeku) me shënime nga ditari i babait tim të shtrenjtë, mjekut Hasan Kurti. Ky libër më ka bërë shoqëri gjatë muajve të vështira të lockdown, ishte ëndrra që më mbante zgjuar dhe të kthjellët. E gjeja veten të shkëputur për orë të tëra nga realiteti, ndërsa përpiqesha të deshifroja rreshtat e shkruara prej babait, t’i përpunoja dhe të gjeja mënyrën më të mirë për t’ia transmetuar lexuesit. Në atë periudhë, nën presionin dhe terrorin që ushtronin mbi ne kanalet televizive italiane, kur gjithçka dukej jashtë kontrollit, ndjeja një farë shqetësimi dhe frike se mund të mos e mbaroja këtë projekt. Por ja që ai doli në dritë dhe kam kënaqësinë ta ndaj me ju lajmin e botimit të tij.

Për ata që duan ta blejnë mund ta gjejnë online ose të më kontaktojnë në inbox. Faleminderit!