MBRËMJE VJESHTE…
Mbrëmje Vjeshte…
Perëndimi mbi valë…
Dielli strukur kreshte…
Turpëruar…e i pafjalë…
Shkumë e mërzitur,
derdh rërës e shuar,
dallga shpinë ngritur,
plas brigjesh…qetuar…
Flokë-arta…ca re,
shterbësive notuara,
drejt humbjes me nge,
tuf’ fjollash të paftuara…
Mbrëmje Vjeshte…
Shteg…i pashkelur,
Dielli strukur kreshte,
Me sytë gjysmë-çelur…
Luan Sheshi: 23 shtator 2023…
NJË FLUTUR NJË KUJTIM…
Një flutur…një kujtim,
i Majit gjethe-mbuluar,
lart mbi flatra emri im,
nën unaza gërmëzuar…
Emri im mëshirë erës,
undhëton nëpër petale,
eh,ç’ti themë Pranverës,
që më iku gjysmë-çale…
Gjysmë-çale…edhe ti,
nëpër gonxhe hallakatur,
muhaxhire…e pashtëpi,
pikë lotit…kokën tulatur…
Një flutur…një kujtim,
i harruar…Maj më Majë,
lart mbi flatra emri im,
vesë-rënën ka për pajë…
Luan Sheshi: 21 shtator 2023…
MBETUR NË SHËMBËLLTYRË…
Mbetur në shëmbëlltyrë,
rreth e qark veç kënetë,
sfondit e murrmja ngjyrë,
shkretëtirë buzë-nxehtë…
Buzë-nxehta shkretëtirë,
djeg pendët shtegëtare,
djallëzia…në pamëshirë,
gjoks valësh shuhet fare…
Tek shuhet…shurdhuar,
thëngjith i fikur nën hi,
lart vrerin shtungëlluar,
rënë dunash…porsi shi…
Mbetur në shëmbëlltyrë,
kërcinj urrejtesh këputur,
sfondit e murrmja ngjyrë,
udhë-humjesh…e ngutur…
Luan Sheshi: 20 shtator 2023…
NJË VJESHTË PËR TY…
Një Vjeshtë për ty,
të qeshur,të mërzitur,
mungojmë që të dy,
lart supet…ngritur…
Trishtim i bukur,
një Verë…lënë pas,
kujtimesh ndukur,
një mall sa s’plas…
Të zbrazura sytë,
mbyt heshtjes…fikur,
prag Vjeshtë e dytë,
nën mjergull…ikur…
Një Vjeshtë për ty,
një Vjeshtë dhuratë,
mungojmë që të dy,
bren pritja e gjatë…
Luan Sheshi: 19 shtator 2023…
